Bizi Facebook`da izləyin

20 saniyəyə bağlanır... Bağla


Azərbaycanda yaşlı insanlarla bağlı maraqlı qərar qəbul olundu

"Yaşlı könüllülər" layihəsinə başlanılıb.

Dərc edilib: 5 sentyabr 2018 [13:40]
Baxış sayı: 2819

Əmək və Əhalinin Sosial Müdafiəsi Nazirliyi (ƏƏSMN) və Vətəndaşlara Xidmət və Sosial İnnovasiyalar üzrə Dövlət Agentliyi arasında qarşılıqlı əməkdaşlığa dair Memorandumun tərkib hissəsi kimi "Yaşlı könüllülər" layihəsinə başlanılıb.

İnterpress.az bildirir ki, Nazirliyin mətbuat xidmətindən verilən məlumata görə, nazirliyin təqaüd yaşına çatmış şəxslər üçün sosial xidmət müəssisəsində yaşayan pensiyaçıların bir qismi layihə çərçivəsində "ASAN xidmət" mərkəzlərində könüllülük fəaliyyətinə cəlb olunublar.

Belə ki, onlar 1 ay ərzində "Könüllülüyün yaşı yoxdur" şüarı altında uşaqlar üçün ayrılmış oyun guşəsində uşaqların qeydiyyatının aparılması və onlara nəzarətin həyata keçirilməsi, vətəndaş axınının idarə olunması, müraciətlərin müvafiq bölmələrə yönləndirilməsi, vətəndaşlardan xidmətlərlə bağlı rəy sorğularının götürülməsində və s. işlərdə yardımçı olacaqlar.

Layihənin məqsədi ASAN Könüllülük Məktəbi vasitəsi ilə yaşlıları fəal yaşlılığa, təcrübə mübadiləsinə cəlb etmək, asudə vaxtlarının səmərəli təşkili, cəmiyyətdə aktiv rol oynamağa dəvət etmək, onlara sosial inteqrasiya və yeni insanlarla tanış olmaq imkanı yaratmaqdır.

Gələcəkdə layihənin əhatə dairəsinin genişləndirilməsi nəzərdə tutulub. (sputnik.az)

İnterpress.az












Oxşar xəbərlər

Hansı dövlətləri Azərbaycana dost hesab edirsiniz?


Cəmi səslər: 112