Bu gecə Səbail rayonu ərazisində qanlı hadisə baş verib.
Interpress.Az-ın məlumatına görə, Əl Oyunları Sarayının yanında 26 yaşlı Muxtarov Zaman İlkin oğlu naməlum şəraitdə bıçaqlanıb. Yaralı hadisə şahidlərinin köməkliyi ilə Kliniki Tibbi Mərkəzə çatdırılıb. Cərrahiyə əməliyyatı olunan yaralının vəziyyəti orta-ağırdır.
Hələlik hadisənin hansı səbəbdən baş verdiyi məlum deyil, saxlanılan yoxdur.
Faktla bağlı Səbail RPİ-nin İstintaq Şöbəsində cinayət məcəlləsinin müvafiq maddəsi ilə cinayət işi başlanıb.
Interpress.Az
