Interpress.Az Anadolu Agentliyinə istinadən xəbər verir ki, Türkiyənin Fırat Universiteti Gözəl Sənətlər Fakültəsi müəllimi Rüçhan Keçəçi tullantı metallarla hazırladığı heykəldə Xocalı qırğınında qətl edilən hamilə bir qadını təsvir edib.
Keçəcinin, 26 Fevral 1992-ci ildə Azərbaycanın Dağlıq Qarabağ bölgəsində Xocalı qəsəbəsində qətl edilən 613 adamın xatirəsinə ithafən hazırladığı və “Körpənin Səssiz Çığlığı” adını verdiyi heykəl, Erməni əsgərlərinin təcavüzünə məruz qaldıqdan sonra süngüylə kürəyindən vurulan hamilə bir qadını təsvir edib.
Türk müəllimi Rüçhan Keçəçi bu heykəlin Qazi Universiteti ilə Azərbaycan Səfirliyi tərəfindən Xocalı qırğının 26 cı ili səbəbindən təşkil edilən “Duyulmayan Çığlık Xocalı “Beynəlxalq Şəkil və Heykəl yarışmasında ən yaxşı dizayn mükafatını aldığını qeyd edib.
Türk müəllimi Rüçhan Keçəçi : “Hazırlamış olduğum heykələ ‘Körpənin Səssiz Çığlığı’ adını verdim, 26 il əvvəl Xocalıda yaşanan qırğında bu qışqırığı hiss etdik. İnşallah belə bir qışqırıq nə bir Xocalıda nə də dünyanın başqa bir yerində bir daha yaşanmaz. Çox acı bir hadisəni daha müasir bir tərzdə sənaye tullantılarla izah etməyə çalışdım. İstifadə etdiyim parçalarda Xocalıda yaşan ağrını hiss etdirməyə çalışdım. Məsələn hamilə qadının ağızındakı qışqırığı görə bilərsiniz. Heykəldə göz bəbəyi xaricə doğru çıxmış, bir metal da olsa o yaşanan ağrının şiddətini ifadə etməyə səy göstərdim. “
Interpress.Az
