Çin Dövlət Səhiyyə və Planlı Doğuşlar Komitəsinin məlumatlarını və başqa açıq yerli mənbələri tədqiq edən Pekin Universitetindən iqtisadçı Su Çianq və Viskonsin Madison Universitetindən doğum üzrə ekspert Yi Fuxian bu qənaətə gəlib.
Bildirilir ki, sözügedən ölkədə 2017-ci ilə nisbətən 2018-ci ildə 2,5 milyon az, yəni cəmi 10,31 milyon uşaq doğulub, eyni zamanda ölüm sayı 11,58 milyon nəfər təşkil edib. Beləliklə, Çin əhalisində son 70 ildə ilk dəfə azalma müşahidə olunub.
Ötən ili Çin əhalisi üçün \”tarixi dönüş nöqtəsi\” kimi səciyyələndirən ekspert Yi Fuxian bunu doğuş yaşlı qadınların azalması və təhsil, səhiyyə, mənzil xərclərinin artması səbəbindən bir çoxlarının tək övlad sahibi olmağa, yaxud heç övlad dünyaya gətirməməyə üstünlük verməsi ilə izah edib. (Report)
Interpress.Az
