Enerji içkilərinin insan sağlamlığına vurduğu ziyanlarla bağlı Milli Məclisdə səslənən bəyanatlardan sonra məlum içkilərin qiymətlərində artım gözlənilən idi. Yeni Vergi Məcəlləsinə görə, 2019-cu ildən etibarən enerji içkilərinə aksiz vergisi tətbiq ediləcək. Aksiz vergisin tətbiq edilməsi isə qiymətlərin artımını labüd edir.
Interpress.Az xəbər verir ki, dünəndən ölkənin bütün marketlərində enerji içkilərinin qiyməti 100% bahalaşıb.
Milli Məclisin deputatı Araz Əlizadə bildirib ki, enerji içkilərinin bahalaşması hələ ilkin mərhələdir:
“Bahalaşma əslində yaxşı haldır. Məndən olsaydı, Azərbaycanda ümumiyyətlə enerji içkilərinin satışını qadağan edərdim”.
Interpress.Az
