Bakıda iki avtomobilin toqquşması nəticəsində ağır yol nəqliyyat hadisəsi baş verib.
İnterpress.az-ın əldə etdiyi məlumata görə, hadisə paytaxtın Yusif Səfərovla 28 may küçəsinin kəsişməsində baş verib. Belə ki, \”Opel Astra\” markalı minik avtomobili ilə \”KİA Sportage\” markalı minik avtomobili toqquşub.
Nəticədə 99 KB 624 dövlət qeydiyyat nişanlı \”Kia\” markalı maşın bir neçə dəfə aşıb. Ətrafdakı insanların köməkliyi ilə qəzaya uğramış avtomobilin içərisindən iki yaralı çıxarılıb.
Hadisə nəticəsində \”Kia\”nın sürücüsü və sərnişini ağır yaralanıb. Yaralılar dərhal xəstəxanaya yerləşdirilib.
Faktla bağlı araşdırma aparılır.
S.Qərib
İnterpress.az
