İnterpress.az xəbər verir ki, bu barədə \”Ölkə.Az\”a Azərbaycanın Ukraynadakı səfiri Azər Xudiyev məlumat verib.
Səfir bildirib ki, İmaməddin Nəsiminin Kiyevdə ucaldılacaq abidəsinin açılışı bu ilin may-iyun aylarında gözlənilir.
A.Xudiyev deyib ki, məsələ ilə bağlı Azərbaycanın Ukraynadakı Səfirliyi Kiyev şəhər meriyasına müraciət edib və ilkin razılıq əldə olunub.
Onun sözlərinə görə, hazırda sənədləşmə işlər həyata keçirilir.
Qeyd edək ki, Prezident İlham Əliyevin sərəncamı ilə 2019-cu il Azərbaycanda \”Nəsimi ili\” elan olunub.
Xatırladaq ki, 2017-ci ildə Kiyev şəhərində Azərbaycan Səfirliyinin təşəbbüsü ilə Azərbaycan Ukrayna dostluq parkı inşa edilərək yerli sakinlərin istifadəsinə verilib.
Park tamamilə yenidən salınıb. Orada 150-dən çox ağac əkilib, işıqlandırma və suvarma sistemi yaradılıb. İnsanların istirahətini təmin etmək üçün hər bir şərait yaradılıb.
Parkın açılışına Kiyev şəhərinin meri Vitali Kliçko da qatılıb.
İnterpress.az
