Güclü külək Sumqayıt şəhərində də bir sıra fəsadlar törədib.
İnterpress.az-ın redaksiyasına göndərilən məlumata görə, güclü külək nəticəsində şəhərin 18-ci mikrorayonunda yaşayış binalarının həyətində park olunan avtomobilin üzərinə ağac aşıb.
Belə ki, güclü küləyin aşırdığı ağac VAZ 21 06 markalı minik avtomobilin üzərinə aşıb. Xoşbəxtlikdən hadisə baş verən zaman nəqliyyat vasitəsində heç kim olmayıb.
Qeyd edək ki, ölkə ərazisində axşam saatlarından müşahidə olunan güclü külək paytaxtda və bölgələrdə bir sıra fəsadlar törədib.
İnterpress.az