İnterpress.az xəbər verir ki,bu barədə qanun layihəsi parlamentin Hüquq siyasəti və dövlət quruculuğu komitəsinin bu gün keçirilən iclasında müzakirəyə çıxarılıb.
Komitə sədri Əli Hüseynli bu sənədin dövlət başçısının imzası ilə parlamentə daxil olduğunu bildirib.
Deputat deyib ki, parlamentdə dəfələrlə narkotik vasitələr, psixotrop maddələr və onların prekursorlarının siyahısı təsdiqlənib, lakin bu məsələ indiyə qədər ayrıca qanunla tənzimlənməyib: \”Odur ki, belə bir qanunun qəbul olunması zərurəti ilə bağlı müvafiq layihə hazırlanıb və parlamentə göndərilib\”.
Nazirlər Kabinetinin nümayəndəsi Ceyhun Hüseynov qanun layihəsi barədə məlumat verib. O qeyd edib ki, bu sənəd dövlət başçısının müvafiq sərəncamına əsasən Nazirlər Kabineti, həmçinin, Səhiyyə, Ədliyyə, Daxili İşlər Nazirliklərinin, Azərbaycan Milli Elmlər Akademiyasının və Dövlət Gömrük Komitəsinin tövsiyələri əsasında hazırlanıb:
\”İndiyə qədər bu məsələ ölkəmiz üçün aktuallıq kəsb etmirdi. ancaq indi belə bir aktuallıq meydana gəlib və bu baxımdan, müvafiq qanunun olması məqsədəuyğun sayılıb\”.
Bildirilib ki, narkotik vasitələr və psixotrop maddələr güclü təsir edən maddələr siyahısına daxil deyil. Eyni zamanda, 52 adda zəhərli maddə mövcuddur. Əli Hüseynli isə söyləyib ki, bu barədə statistika da yoxdur.
“Ancaq indi bu məsələyə ehtiyac yaranıb, yəni, bu yöndə gələcəkdə istisnalar yox deyil\”.
Deputat Çingiz Qənizadə isə zəhərli maddələr siyahısında sirkə turşusunun anhidridinin göstərilməsinin əleyhinə olduğunu bildirib:
\”Bu gün hər kəsin evində sirkə turşusu istifadə olunur. Onsuz da türmələrimiz insanlarla doludur, odur ki, yeni həbslərə də ehtiyac yoxdur. Yəni, sabah kiminsə evində sirkə turşusu var deyə onu həbs təhlükəsi gözləyə bilər. Ona görə də bu məsələyə məsuliyyətli yanaşma lazımdır\”.
Cavab olaraq deyilib ki, söhbət heç də istifadə olunan sirkə turşusundan getmir.Sirkə turşusunun anhidridi sirkə turşusu demək seyil və o, kimyəvi maddədir.
Müzakirələrdən sonra qanun layihəsi parlamentin plenar iclasına tövsiyə olunub.(modern)
İinterpress.az
