Məlumata görə, hadisə Şəkidə baş verib. Körpənin anası Nüşabə Muradlı bildirib ki, doğuş sentyabın 9-u Zaqatala Rayonu Mərkəzi Xəstəxanasında keysəriyyə əməliyyatı ilə baş tutub: “Əməliyyat uğurlu oldu. Sonra uşağı mənə göstərmədilər. Səhəri gün qayınanam uşağı sistemə qoşduqlarını görüb. İş günü olmadığı üçün həkimlə telefonla əlaqə saxladıq, bizə zəif olduğuna görə uşağın sistemə qoşulduğunu dedi. Həkim narahatlığa ehtiyacın olmadığını bildirdi. Sonra uşağın sarılığa tutulduğunu dedilər. Ayın 13-ü uşağı təcili yardım maşını ilə Şəki Mərkəzi Rayon Xəstəxanasına apardıq. Gec gətirdiyimizə görə qəbul etmək istəmədilər. Sentyabrın 14-ü Şəki xəstəxanasında uşaq dünyasını dəyişdi. Analiz zamanı uşağın sarılıq xəstəliyindən dünyasını dəyişdiyi məlum oldu”.
Şikayətçi həmçinin bildirib ki, uşağa nəzarət edən Sevinc həkimə Səhiyyə Nazirliyi tərəfindən töhmət verilib: “Zaqatalada həkimlərin şurasında Sevinc doktora töhmət verdilər. Uşağım həkimin səhlənkarlığından öldü. Elə ona töhmət verəndə də vaxtında sarılıq analizi etmədiyini qeyd etdilər\”. ( qafqazinfo.az )
İnterpress.az
