ASGA Gəncədə müstəqilliyimizin 25 illiyinə həsr olunmuş təqdimat keçirdibackend

ASGA Gəncədə müstəqilliyimizin 25 illiyinə həsr olunmuş təqdimat keçirdi

  • whatsapp
  • messenger
  • telegram
  • vkontakte
  • odnoklassniki

Tədbiri giriş sözü ilə Gəncə Şəhər Gənclər və İdman Baş İdarəsinin rəisi Müşfiq Cəfərov açaraq son 25 ildə ölkəmizdə aparılan uğurlu daxili və xarici siyasətdən danışdı. Müşfiq Cəfərov ölkədə aparılan uğurlu islahatların nəticəsində regionların ilbəil dinamik şəkildə inkişaf etdiyi dedi.

Azərbaycan-Slavyan Gəncləri Assosiasiyasının sədri Səbuhi Abbasov isə çıxışında layihə barədə ətraflı məlumat verdi. Son 25 ildə ölkəmizin dünyada layiqli yer tutmasında Ulu Öndərin xidmətlərindən danışdı: \”Bugün biz qazandığımız bütün uğurlara görə Ulu Öndər Heydər Əliyevin siyasi kursuna borcluyuq. Bu siyasi kursun Prezident İlham Əliyev tərəfindən uğurla icrası isə ölkəmizin beynəlxalq aləmdə nüfuzunu daha da artırmışdır. Biz layihə çərçivəsində son 25 ildə müxtəlif istiqamətlərdə qazanılan uğurlardan danışacağıq. Layihə həm paytaxtda, həm də müxtəlif regionlarımızda davam edəcək. Bir daha QHT-lərə dövlət dəstəyi şurasına verilən dəstəyə görə öz təşəkkürümü bildirirəm.”

ASGA Anlitik təhlil mərkəzinin rəhbəri Azər Verdiyev isə çıxışında Ulu Öndər Heydər Əliyevin \”Azərbaycan dünyaya günəş kimi doğacaq” şüarının bugün reallığa çevrildiyini dedi. Prezident İlham Əliyev tərəfindən aparılan sistematik siyasətin nəticəsində ölkəmizin ilbəil daha da inkişaf etdiyi dedi. A.Verdiyev həmçinin Heydər Əliyev Fondunun prezidenti Mehriban Əliyevanın təşəbbüsü ilə mədəniyyətimizin qorunması, saxlanılması və gələcək nəsillərə ötürülməsi istiqamətində həyata keçirilən layihələrdən danışdı.

AMEA Dilçilik İnstitutunun Gənc Alim və Mütəxxəssislər Şurasının sədri Cahid İsmayıloğlu çıxış edərək 25 illik müstəqillik dönəmində elm sahəsində həyata keçirilən islahatlardan danışdı. C.İsmayıloğlu ölkədə sağlam və intellektual gəncliyin inkişafı üçün bütün mümkün addımların atıldığını dedi. O, Azərbaycan gəncliyinin səsinin dünyanın müxtəlif ölkələrindən fəxrlə gəldiyini qeyd etdi.

Elm üzrə Prezident Mükafatçısı Elnur Həsənov çıxışında Ulu Öndər Heydər Əliyevin ikinci dəfə hakimiyyətə qayıtdığı gündən ölkəmizin rifahı naminə gördüyü işlərdən danışdı. Ölkənin ən intellektual gənclik ordusunun YAP ətrafında birləşdiyi deyən E.Həsənov ölkəmizin 25 ildə qazandığı uğurların böyük əhəmiyyətə malik olduğunu dedi. O, həmçinin, gənclərin elm sahəsinin marağının artmasının vacibliyindən danışdı.

Sonda layihə çərçivəsində gəncələrə Azerbaijan25.azsaytı təqdim olundu və fəallara sertifikatlar verildi.

ASGA Gəncədə müstəqilliyimizin 25 illiyinə həsr olunmuş təqdimat keçirdi

ASGA Gəncədə müstəqilliyimizin 25 illiyinə həsr olunmuş təqdimat keçirdi

ASGA Gəncədə müstəqilliyimizin 25 illiyinə həsr olunmuş təqdimat keçirdi

ASGA Gəncədə müstəqilliyimizin 25 illiyinə həsr olunmuş təqdimat keçirdi

İnterpress.az