“Fənərbaxça”nın təyyarəsi Budapeştə məcburi eniş edib

İnterpress.az xəbər verir ki, İstanbul təmsilçisi səfər zamanı ciddi problemlə üzləşib.
Belə ki, komandanı İngiltərəyə aparan təyyarə Macarıstanın paytaxtı Budapeştə məcburi eniş edib. Buna səbəb pilot kabinəsinə quşun çırpılması olub. Kabinə təmir edildikdən sonra təyyarə yenidən yola düşəcək. Klub prezidenti Əziz Yıldırımın da yer aldığı hava gəmisi hazırda Budapeştdə təmirin başa çatmasını gözləyir.
Qeyd edək ki, “Mançester Yunayted” – “Fənərbaxça” matçı sabah baş tutacaq. (APA)

İnterpress.az