APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Şəmkir rayonunda vətəndaşa məxsus ümumi sahəsi 338 m² olan ikimərtəbəli 12 otaqlı evin 1-ci mərtəbəsində 2 otağın yanar konstruksiyaları və ev əşyaları 50 m² sahədə yanıb. Evin qalan hissəsi yanğından mühafizə olunub.
Mingəçevir şəhərində isə ümumi sahəsi 640 m² olan birmərtəbəli 15 otaqdan ibarət inzibati binanın dam örtüyünün yanar konstruksiyaları 45 m² sahədə yanıb. Binanın qalan hissəsi yanğından mühafizə olunub.
Hər iki halda yanğın yanğınsöndürənlər tərəfindən söndürülüb.
İnterpress.az
