İnterpress.az xəbər verir ki, Ağdam Rayon Polis Şöbəsindən “Report”a verilən məlumata görə, naməlum şəxs Ağdam rayonunun Quzanlı qəsəbəsində yerləşən 18 saylı məktəb binasına bomba qoyulması və bir necə dəqiqədən sonra partlayacağı barədə Fövqəladə Hallar Nazirliyinin “112” qaynar xətinə məlumat verib.
Zəng edən şəxs iddia edib ki, məktəbə bombanı dövlət nömrə nişanı olmayan qara rəngli avtomobildən düşən 3 nəfər qoyub.
Dərhal aparılan araşdırmalarla zəng edən şəxsin Ağdam rayon sakini, hazırda Bərdə rayonunda müvəqqəti məskunlaşan 44 yaşlı Aslanov Elburus Teymur oğlu olması müəyyən edilib.
Ağdam RPŞ əməkdaşlarının keçirdikləri əməliyyat-axtarış tədbirləri nəticəsində Elburus Aslanov tutulub.
Faktla əlaqədar cinayət işi başlanılıb.
İnterpress.az
