Bizi Facebook`da izləyin

20 saniyəyə bağlanır... Bağla


Bacısını öldürən şəxsin işi qapalı oldu - intim məqamlara görə...

Ərindən küsərək evdən gedən bacısını boğaraq qətlə yetirməkdə təqsirləndirilən şəxsin cinayət işi üzrə məhkəmə prosesi keçirilib.

Dərc edilib: 21 aprel 2017 [14:20]
Baxış sayı: 309

İnterpress.az xəbər verir ki, Bakı Ağır Cinayətlər Məhkəməsində qətl törətməkdə təqsirləndirilən 1977-ci il təvəllüdlü Yolçuyev Rəfael Sabirxan oğlunun cinayət işi üzrə məhkəmə prosesi hakim Əfqan Hacıyevin sədrliyi ilə keçirilib.

Prosesin qapalı keçirilməsi ilə bağlı məhkəmə qərar qəbul edib. Buna səbəb cinayət işi materiallarında şəxslərin intim münasibətləri haqda məlumatların olmasıdır. Bu iş üzrə zərərçəkmiş kimi mərhum Yasəmən Arzuxanovanın qızı tanınıb. Məhkəmə prosesi başlamadan əvvəl isə təqsirləndirilən Rafael Yolçuyevin qardaşı isə bu iş üzrə heç kimin zərər çəkmədiyini deyib.

Qapalı keçirilən prosesdə prokuror ittiham aktını elan edib. Özünü qismən təqsirli bilən Yolçuyev bacısını namus üstündə öldürdüyünü deyib.

Növbəti məhkəmə prosesi aprelin 27-nə təyin edilib.

Qeyd edək ki, qətl hadisəsi Şamaxıda baş verib. R.Yolçuyev mübahisə zəminində bacısı 1981-ci il təvəllüdlü Arzuxanova Yasəmən Səbrxan qızını boğaraq öldürüb.

Mərhum Yasəmən Arzuxanova həyat yoldaşı ilə dava edərək evdən çıxıb və Bakı şəhərinə gedib. Qardaşı Rafael Yolçuyev bacısını Bakıdan rayona gətirərək onu namus üstündə qətlə yetirib. Mərhum iki uşaq anası olub.

Yolçuyev Cinayət Məcəlləsinin 120.1-ci (qəsdən adam öldürmə) maddəsi ilə təqdirli bilinir. (musavat)

İnterpress.az














Oxşar xəbərlər





Dərmanların qiyməti dolların məzənnəsinə uyğun dəyişəcək


Cəmi səslər: 453