İnterpress.az-ın məlumatına görə, hadisə Nəsimi rayonu 4-cü mikrorayonunun Mirmahmud Kazımovski küçəsində baş verib.
Belə ki, çoxlu sayda ağac qırılaraq, ekskavator vasitəsilə kökündən çıxarılıb. Həmin ərazidə yaşayan sakinlər ağacların kəsilməsi ilə bağlı Nəsimi Rayon İcra Hakimiyyətinin (RİH) Mənzil-Kommunal Təsərrüfatı Birliyinə narazılıqlarını bildiriblər. Birlikdən sakinlərə ərazidə yeni park salınacağı ilə bağlı məlumat verilib.
Ekologiya və Təbii Sərvətlər Nazirliyinin Bakı Şəhər Ekologiya İdarəsinin müfəttişi Ruslan Bayramov \”Report\”a deyib ki, hadisə aprelin 19-da baş verib. O bildirib ki, Nəsimi RİH-nin Mənzil-Kommunal Təsərrüfatı Birliyi həmin ərazidə ağacların abadlaşdırılması üçün Nazirliyin ekpertiza idarəsinə müracət edib: \”Bununla bağlı biz tərəfdən onlara müsbət rəy verilib. Ağac kəsilməsi ilə bağlı isə birliyə heç bir rəy verilməyib. Bundan sonra həmin ərazidə ağac kəsilməsi faktı olduğuna görə tərəfimizdən araşdırılma aparılıb və qanuna uyğun müvafiq tədbirlər görülüb\”.
R.Bayramovun sözlərinə görə, Nəsimi RİH-nin Mənzil-Kommunal Təsərrüfatı Birliyi cərimələnib: \”Faktla bağlı hüquq-mühafizə orqanlarına müraciət etmişik\”. (report)
İnterpress.az
