Tanınmış stilist Gülya Hüseynova ölkəmizdə ilk dəfə xanımları maarifləndirmə məqsədi ilə sosial layihə həyata keçirib. \”Park Bulvar\” əyləncə və ticarət mərkəzində seminar təşkil edən stilist şəhərimzin xanımlarının suallarını cavablandırıb.
\”Təbii stil nədir, necə müəyyən olunur?\” kimi suallara cavab verən peşakar stlist xanımları çox maraqlandıran mövzulara da toxunub. Üz quruluşuna görə makyaj və saç düzümü etməyin qaydaları, düzgün korreksiya, foto ve video çəkilişlər zamanı makyaj, iş xanımları üçün makyaj, məkana görə saç və makyajın seçilmə qaydaları, gündüz makyajı ile gecə makyajının seçilmə qaydaları ilə bağlı şəhər sakinlərinə məlumat verilib.
Bununla yanaşı seminar zamanı Gülya xanıma yaxınlaşan bir sıra xanımlara təmənnasız saç düzümü və makyaj edilərək onlara hansı tərzin yaraşacağı da əyani olaraq göstərilib. Seminarda çıxış edən Gulya Hüseynova bildirib ki, o bəzən küçədə gedərkən xanımlara yaxınlaşıb düzgün makyaj etmədiyi barədə məlumat vermək istəyir. “
Əsas məqsəd xanımları maarifləndirməkdir. Çünki makyaj gözəlləşmək üçündür bizim xanımlar isə bəzən özləri gözəl olmaqlarına baxmayaraq eybəcər makyajla özlərini çirkinləşdirirlər.”
İnterpress.az
