Komitəninin Azərbaycan və Ermənistan üzrə həmməruzəçiləri Füzuli rayonu Alxanlı kəndində 2 yaşlı Zəhra da daxil olmaqla dinc sakinlərin qətlə yetirilməsinə görə narahat olduqlarını bildiriblər.
Bu barədə Azərbaycan üzrə həmməruzəçilər Stefan Şennak və Sezar Florin Preda ilə Ermənistan üzrə həmməruzəçilər Alan Mil və Cüzeppe Qalattinin birgə bəyanatında deyilir. Diplomatlar tərəfləri atəşkəsi bərpa etməyə və danışıqlar masasına qayıtmağa dəvət ediblər. Həmməruzəçilər qeyd ediblər ki, münaqişənin hərbi həll yolu yoxdur.
Eyni zamanda diplomatlar münaqişə nəticəsində həlak olanların ailələrinə başsağlığı veriblər.
İnterpress.az
