Hulusi Kılıç mükafat aldı – FOTObackend

Hulusi Kılıç mükafat aldı – FOTO

  • whatsapp
  • messenger
  • telegram
  • vkontakte
  • odnoklassniki

İnterpress.az xəbər verir ki, Dövlət Müstəqilliyi Günündə təşkil olunan gecədə Milli Məclisin deputatları, Azərbaycan və Türkiyənin tanınmış elm və mədəniyyət xadimləri iştirak ediblər. Dövlət himninin səslənməsi ilə başlayan tədbirdə mükafatın təsisçisi, “Xəyal Production”ın rəhbəri Xəyal Rza bütün iştirakçıları salamlayaraq, mükafat barədə məlumat verib.

X.Rza söyləyib ki,\”The First\” mükafatı mədəniyyətin inkişafı üçün nəzərdə tutulsa da, elm, siyasət, iqtisadiyyat, ədəbiyyat nümayəndələrinə də təqdim edilir. Daha sonra mükafatın öncəki illərdə olan təqdimetmə mərasimlərinə aid videorolik göstərilib.

X.Rza qeyd edib ki, bu mükafatı müxtəlif ölkələrdən tanınmış insanlar alırlar. Bu günə qədər təkcə qardaş Türkiyədən 30-dan çox sənət adamı – rejissorlar, aktyorlar, idmançılar, millət vəkilləri bu mükafatla təltif ediliblər: \”Bizim təqdim etdiyimiz “The First” mükafatı beynəlxalq mükafat sayılır. Mükafat monitorinq qrupumuzun seçdiyi namizədlərə təqdim ediləcək\”.

Tədbirə Türkiyədən, Cənubi Azərbaycandan da insanlar qatılıblar. Mükafatlandırma mərasiminə dövlət rəsmiləri, deputatlar İsa Həbibbəyli, Məlahət İbrahimqızı, Fəzail Ibrahimli, Türkiyənin mədəniyyət müşaviri İrfan Çiftçi, TÜİB sədri Hüseyin Büyükfırat, Azərbaycan Yazıçılar Birliyinin və Bəstəkarlar İttifaqının sədrləri, Türkiyənin Azərbaycandakı keçmiş səfiri Hulusi Kılıç, Xalq Yazıçısı Anar, Xalq artistləri Firəngiz Əlizadə, Vaqif Mustafayev, Rasim Balayev və digər şəxslər də qatılıblar.

Ümumilikdə, bu il 28 nəfərə müxtəlif nominasiyalar üzrə “The First” mükafatı təqdim olub. Bu mükafatı alanların arasında yazıçılar, sənət adamları, mədəniyyət işçiləri də olub. Eyni zamanda 3 nəfərə İLESAM-ın “Türk dünyası onur medalı\” verilib. Bu medalı alanların sırasında Türkiyənin Azərbaycandakı keçmiş səfiri Hulusi Kılıç da olub.

H.Kılıç ilk olaraq Azərbaycanın Müstəqillik Günü münasibətilə zalda əyləşənləri təbrik edib. O bildirib ki, mükafatın dəyəri onun üçün böyükdür:

\”Bu mükafat üçün təşəkkür edirəm. Eyni zamanda bu mükafatın ağırlığını, sorununu da yaşamaq çox önəmlidir. Gerçəkdən bura mənim vətənimdir. Mən gerçəkdən də çox mutluyam. Ömrümün sonuna qədər hər zaman Azərbaycanın sevinci üçün çalışacam. Azərbaycan mənim sevdamdir, eşqimdir ve bu belə də qalacaq. Bunu belə də bilin. Hər birinizə təşəkkür edirəm. Böyük xidmət göstərib bizləri təkrar görüşürdünüz\”.

Eyni zamanda Hulusi Kılıç tədbirdə Yazıçı Anara \”The First\” mükafatını təqdim edib.

Çıxış edən İsa Həbibəyli zalda əyləşənləri salamlayaraq bildirib ki, mükafatın önəmi həm də ondadır ki, bunu Azərbaycanın Dövlət Müstəqilliyi Günü alırıq:

\”Hər bir vətəndaş üçün ölkəsinin, dövlətinin müstəqil olmağından böyük qürur və şərəf yoxdur. Bu mükafat da bizim müstəqilliyimizin bir bəhrəsidir. Azərbaycanın müstəqilliyini dünyada tanıyan ilk dövlət Türkiyə olub. Ölkəmizin müstəqillik illərindəki Türkiyə ilə qardaşlıq əlaqələrinin yenidən çiçəklənməsinin əsasını ulu öndər, görkəmli dövlət xadimi Heydər Əliyev qoyub. Cənab prezident İlham Əliyevin apardığı siyasətin nəticəsində Azərbaycan və Türkiyə əlaqələri daha da inkişaf edib, möhkəmlənib. Bütün dünyaya qardaşlığın əsl örnəyini göstərib. İki ölkə prezidentləri arasında olan möhkəm birlik Türkiyə və Azərbaycan birliyinin rəmzidir. Düşünürəm ki, bugünki mükafatın da Türkiyə və Azərbaycan qurumları tərəfindən bərabər təqdim olunması bu böyük dostluğun daha bir səhifəsidir. Var olsun musteqilliyimiz\”.

Tədbirdə \”525-ci qəzet\”in baş redaktoru Rəşad Məcidə də \”The First\” mükafatı verilib. R.Məcidə mükafatı İsa Həbibəyli təqdim edib. R. Məcid hər kəsə öz təşəkkürünü bildirib.

Hulusi Kılıç mükafat aldı - FOTO

Hulusi Kılıç mükafat aldı - FOTO

İnterpress.az