İnterpress.az-a xəbər verir ki, 2015-ci ilin mayında Bakıda yaşayış binasında baş verən dəhşətli yanğından sonra ölkə başçısının qərarı ilə xüsusi komisiyya təşkil olundu və bina üzlüklərinin yanğına davamlılığı yoxlanıldı.
Bundan sonra poliuretanla üzlənən binaların üzlüklərinin sökülməsinə başlanıldı.
Bu əməliyyat yalnız paytaxtda deyil eyni zamanda bölgələrdə də aparıldı və eyni materialdan olan bina üzlükləri söküldü. Amma görünür bəzi rayon icra hakimiyyətləri üçün paytaxtda baş verən hadisə çox da önəm daşımadı. Elə Xaçmaz İcra hakimiyyətinin başçısı kimi. Beləki, yay ayılarından rayonda “təmir quruculuq” işləri aparılmasına başlanılıb və şəhərin turistlərin çox gəldiyi Nəriman Nərimanov adına küçədə və digər mərkəz küçələrdə yerləşən binalrın hamısının üzünə adı çəkilən materialdan üzlüklər vurulur. Şəhər sakinlərinin narahatlığını görən iş icraçıları bu materalın yanar olmadığnı deyirlər. Əlləri bir yana çatmayan belə binalarda yaşayan şəhər sakinlərini günü indi beləcə həyacan içində keçməkdədir. Necə deyərlər başına gələn başmaqçı olar. Amma sonda ölən ümiddir deyirlər. Ümüdlərini üzmürlər ki, onların da başına 2015-ci ildəki kimi faciə gəlmədən bu məslə öz həllini tapacaq.
İnterpress.az
