Bakıda Azərbaycan, Türkiyə və İranın xarici işlər nazirlərinin beşinci üçtərəfli görüşü başa çatıb.
İnterpress.az xəbər verir ki, Azərbaycan, Türkiyə və İran XİN başçılarının – Elmar Məmmədyarov, Mövlud Çavuşoğlu və Məhəmməd Cavad Zərifin iştirakı ilə keçirilən görüşünün yekununda Bakı Bəyannaməsi qəbul olunub.
\”Sənəddə əməkdaşlığımızı necə gördüyümüz əks olunub. Bu, həm energetikadır, həm turizmdir, həm də nəqliyyatdır. Bu istiqamətlərdə əməkdaşlığımızı genişləndirmək istəyirik\”, – E.Məmmədyarov görüşdən sonra bildirib.
***
İnterpress.az xəbər verir, görüşdə 3 ölkə arasında əməkdaşlıq və regional məsələlər müzakirə olunacaq və sonda birgə Bəyannamə qəbul olunacaq.
Görüşdən sonra nazirlərin birgə mətbuat konfransı nəzərdə tutulur.
İnterpress.az
