Bizi Facebook`da izləyin

20 saniyəyə bağlanır... Bağla


Azərbaycanlılar Ukraynanın güc strukturlarına müraciət etdi

Ukraynada azərbaycanlıların cinayətkarlar tərəfindən oğurlanması və iş adamlarına təzyiq göstərilməsi ilə bağlı Ukraynanın baş prokuroru Yuri Luçenko, daxili işlər naziri Aleksandr Avakov və Ukrayna Dövlət Təhlükəsizlik Xidmətinə yazılı sürətdə müraciət etmişik.

Dərc edilib: 10 yanvar 2018 [19:02]
Baxış sayı: 5445

Bunu İnterpress.az-a “Azərbaycan Ukrayna” beynəlxalq alyansının sədri Elmar Məmmədov bildirib.

Onun sözlərinə görə, bütün şəhər merləri və polis rəislərindən məsələni nəzarətdə saxlamaq xahiş olunub:

“Biz onlarla əlaqə saxlamışıq. Bizə cavab olaraq bildiriblər ki, məsələnin həlli ilə bağlı intensiv işlər aparılır, nəticəsi barədə yaxın zamanda cavab veriləcək”.

Elmar Məmmədov bildirib ki, hadisə Ukrayna inzibati orqanları tərəfindən ciddi nəzarətdədir:

“İnanırıq ki, keçirilən mitinqlərin nəticəsi olacaq. Alyans keçirilən mitinqdə baş verənlərə nəzarət edir”.

Qeyd edək ki, Kiyevdə Azərbaycan icmasının 150-yə yaxın üzvü Daxili İşlər Nazirliyi binası qarşısında etiraz aksiyası keçirir. Mitinq iştirakçılarının sözlərinə görə, cinayətkarlar heç də güc strukturlarından qorxmur. Məlumata əsasən, Ukraynada ümumilikdə 20-dən çox azərbaycanlı oğurlanıb; onların bir neçəsi Ukraynada bizneslə məşğul olan iş adamlarıdır.

İnterpress.az










Oxşar xəbərlər

Kimin Prezident olmağını istərdiniz?


Cəmi səslər: 343