Bu fikirləri “Ölkə.Az”a açıqlamasında Azərbaycan Alpaqut Federasiyasının sabiq prezidenti, iqtisadiyyat üzrə fəlsəfə doktoru, fəal ictimaiyyətçi Aqil Acalov bildirib.
A.Acalov deyib ki, son 15 ildə Azərbaycan uğurlu inkişafa və tərəqqiyə nail olub:
“Ötən illər ərzində güclü ordumuz formalaşdırılıb. Bölgənin iqtisadi-siyasi lider dövlətinə çevrilmişik. Bir sıra uğurlu iqtisadi layihələr prezident İlham Əliyevin zamanında gerçəkləşdirilib. Bu gün həmin işlər prezident İlham Əliyevin əsas uğurunu təşkil edir. Prezidentin uğurlu daxili-xarici siyasəti nəticəsində Azərbaycan beynəlxalq tədbirlərin mərkəzinə çevrilib. Ölkəmizi hər yerdə tanıyırlar. Məhz buna görə də prezident İlham Əliyev aprelin 11-də keçiriləcək prezident seçkilərin şəksiz qələbə qazanacaq”.
Aqil Acalov qeyd edib ki, prezident İlham Əliyevin gördüyü uğurlu işlərdən narahat olan qüvvələr var:
“Həmin qüvvələr Avropanın bəzi dairələrindən maliyyə dəstəyi alaraq, Azərbaycanın əleyhinə iş aparırlar. Dövlətçiliyimizə qarşı çıxan qüvvələr erməni lobbisinin əlində oyuncağa çevriliblər. Bütün iyrənc potensialları gecə-gündüz anti-azərbaycan təbliğatına qoşulublar. Onları əmin edirəm ki, bu qüvvələrin arzuları ürəklərində qalacaq. Aprelin 11-də xalqımız onlara gözəl cavab verəcək. Həm də onların planları fiaksoya uğrayacaq”.
İnterpress.az
