Toqquşmalara səbəb sufi cərəyanın nümayəndələrindən birinin həbs edilməsi olub.
Londonda nəşr edilən \”Əş-Şark əl-Ausat\” qəzetinin yazdığına görə, dərvişlərdən biri avtobusu bir qrup polisin üzərinə sürüb. Nəticədə, üç polis məmuru ölüb, sürücü həbs edilib.
Digər xəbərlərə görə, qarşıdurma zamanı 5 polis öldürülüb, daha 30 təhlükəsizlik əməkdaşı yaralanıb. Sufi cərəyanının üzvlərinin də yaralandığı bildirilir.
İran polisinin sözçüsü Səid Müntəzirülmehdi səhər saatlarına qədər davam edən qarşıdurmada ən azı 300 təriqət üzvünün həbs edildiyini açıqlayıb. Polislər kütləvi aksiyanın dağıdılması üçün gözyaşardıcı qazlardan istifadə ediblər.
Polisdən bildiriblər ki, hüquq-mühafizə orqanları ölkənin təhlükəsizliyini hədələyən istənilən qanunsuz hərəkətlərə qarşı çox sərt mübarizə aparacaqlar. (publika.az)
İnterpress.az
