İnterpress.az xəbər verir ki, bu fikirləri Türkiyə Prezidenti Rəcəb Tayyib Ərdoğan hakim Ədalət və İnkişaf Partiyasının parlament qrupunun toplantısında çıxış edərkən deyib.
Toplantıya Azərbaycandan da nümayəndələr qatılıb. Belə ki, Xocalı soyqırımının ildönümü ilə əlaqədar Türkiyə-Azərbaycan İş adamları Birliyinin sədri Hüseyn Böyükfırat və Xocalıdan olan deputat Elman Məmmədovla birgə Xocalı faciəsinin bir qrup şahidi tədbirdə iştirak edib. Xocalı soyqırımı ilə bağlı çıxışından sonra Ərdoğan onlarla görüşərək, xatirə şəkli çəkdirib. Həmyerlilərimiz Türkiyə prezidentinə toplantıdakı çıxışı və dəstəyinə görə təşəkkürlərini bildiriblər.
Xocalı soyqırımının 26-cı ildönümü ilə əlaqədar Türkiyədə müxtəlif anım tədbirləri keçirilir.
İnterpress.az
