Onun sələfi Arkadi Qukasyan da 1999 və 2002-ci illərdə Vaşinqtonu ziyarət etmişdi. Saakyanın ABŞ-a ziyarəti əsnasında bu ölkənin Ermənistandakı keçmiş səfiri Con Evans, yazdığı məqalədə ermənilərin artan iştahlarını və beynəlxalq aləmin gözləntilərini açıqlayıb. Məqalə, bazar günü \”The National Interest\” jurnalında çap olunub və birtərəfli mövqedən yazılması ilə diqqət çəkib..
2002-ci ildən 2004-cü ilə qədər erməni təbliğatının təsiri altında olan Evansın ifadələri tamamilə aldadıcıdır. Onun fikrincə, ermənilər 451-ci ildən Qarabağa yerləşib və Qarabağ yalnız Sovetlər dönəmində Azərbaycana aid olub. Buna görə də Evans xalqların öz müqəddaratını həll etməsi prinsipindən çıxış edərək Dağlıq Qarabağın \”müstəqilliyini\” tanımağa çağırıb. Evans 2006-cı ildə səfir vəzifəsindən geri çağrılıb, daha sonra ABŞ XİN-dəki vəzifəsindən azad olunub. Bunun səbəbi diplomatın 1915-ci ildəki olayları \”Erməni soyqırımı\” olaraq adlandırmasıydı.
Azərbaycanlı politoloq İlqar Vəlizadənin açıqlamasına görə, separatçılar ABŞ-a səfər edərkən Ermənistan pasportlarından istifadə edirlər və siravi Ermənistan vətəndaşları kimi qəbul edilirlər. Rəsmi sənədlərdə, protokollarda bu səfərlər qeyd edilmir.
Evansın məqaləsinə gəldikdə isə, Vəlizadə hesab edir ki, Ermənistanda uzun müddət işləyən şəxslər erməni diasporları ilə dostluq münasibətləri qururlar, onların nüfuzunun altına düşürlər, tamamilə obyektivlikdən məhrum olurlar və əslində erməni təbliğatının bir parçası olurlar.
Politoloq bildirib ki, məqalənin müəllifinin bunu maddi təzminat üçün yazdığını düşünmür, amma əmin ola bilərsiniz ki, burada müəyyən maraqlar var. Görünür, o, ABŞ-da olan erməni diasporu ilə, ya da İrəvanın öz siyasi dairələri ilə əlaqələrini davam etdirmək niyyətindədir. Təəssüf ki, bu fəaliyyət ictimaiyyətin fikir ayrılığına səbəb olur.
Politoloq vurğulayıb ki, beynəlxalq hüquqda heç bir yerdə yazılmır ki, bəzi prinsiplər başqa birinə üstünlük verə bilər. Əksinə, ərazi bütövlüyü şübhəsiz, bütün ölkələrin münasibətlərinin əsasında dayanır. Bununla əlaqədar, o, BMT Təhlükəsizlik Şurasının Qarabağ münaqişəsinə dair qətnamələrini xatırladaraq bildirib ki, bu, münaqişənin tənzimlənməsi üçün beynəlxalq hüquqi vasitədir. Onlar Ermənistanın işğal və təcavüz faktını təsdiqləyirlər və millətlərin öz müqəddəratını təyin etmək hüququ bu həqiqəti ört-basdır etmək üçün erməni tərəfindən istifadə olunur. Vəlizadənin sözlərinə görə, diplomat, karyerasını başa çatdırsa belə, diplomat və peşəkar kimi qalmalıdır. Ekspertin fikrincə, Evansın məqaləsində göstərdiyi yanaşma tamamilə qeyri-diplomatik və savadsızdır.
\”Müəllif Ermənistanda müəyyən dairələrin maraqlarına lobbiçilik edir. Belə məqalə dolayı yolla Bakı və Vaşinqton arasında münasibətlərə zərər verə bilər\” deyə Vəlizadə fikrini tamamlayıb. ( novosti.az )
İnterpress.az
