İnterpress.az-ın hadisə yerində olan əməkdaşının verdiyi xəbərə görə, ötən gün cəbhənin Tərtər istiqamətində erməni gülləsinə tuş gələn şəhid Rzayev Xəyyam Pənah oğlu doğulduğu Cəlilabad rayonunun Uzuntəpə kəndinə gətirilib.
Şəhid əsgər kənd qəbristablığında torpağa tapşırılıb. Şəhidin dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Cəlilabad Rayon İcra Hakimiyyətinin rəsmiləri, şəhidin döyüş yoldaşları, rayon ictimaiyyətinin nümayəndələri və kənd sakinləri iştirak ediblər.
Dəfn mərasimində çıxış edənlər torpaqlarımızı mənfur düşməndən azad etməyə hər an hazır olduqlarını, Ali Baş Komandan İlham Əliyevin əmrini gözlədiklərini bildiriblər.
İnterpress.az
