Türkiyənin Milli Suverenlik və Uşaqlar Günü münasibəti ilə keçirilən bayram mərasimləri çərçivəsində İstanbulun Pendik bələdiyyəsinin təşkil etdiyi bayram mərasimində Azərbaycanı 4 nömrəli Uşaq-Gənclər İnkişaf Mərkəzi (UGİM) təmsil edib.
UGİM-in “Dan ulduzu” rəqs qrupunun ifası sonsuz maraq və hərarətli alqışlarla qarşılanıb. Qrupda 16 şagird təmsil olunub.
Pendik bələdiyyəsinin himayədarlığı ilə keçirilən bayram mərasimində 12 ölkədən uşaq musiqi və incəsənət qrupları təmsil olunublar.
Fərqlənən qruplara hədiyyələr və diplomlar verilib. ( yenicag.az )
İnterpress.az
