Bizi Facebook`da izləyin

20 saniyəyə bağlanır... Bağla


UNEC-ə yeni prorektor təyin olundu - Ceyhun Bayramov əmr imzaladı

UNEC-in Beynəlxalq əlaqələr və proqramlar üzrə prorektoru vəzifəsinə yeni təyinat olub.

Dərc edilib: 16 may 2018 [17:11]
Baxış sayı: 11375

İnterpress.az xəbər verir ki, UNEC-dən report-a verilən məlumata görə, bununla bağlı təhsil naziri Ceyhun Bayramov müvafiq əmr imzalayıb.

Əmrə əsasən, Anar Yaşar oğlu Rzayev universitetin Beynəlxalq əlaqələr və proqramlar üzrə prorektoru vəzifəsinə təyin edilib.

Qeyd edək ki, A.Rzayev 1973-cü ildə anadan olub. Bakalavr təhsilini Xəzər Universitetində alıb. "ACTP” tələbə mübadiləsi müsabiqəsində Bakıda, sonra isə Moskvada qalib gələrək təhsilini ABŞ-ın Nyu-York ştatının Sirakuz Universitetinin Yutika Kollecində davam etdirib.

Dosent A.Rzayev bu vəzifəyə qədər UNEC-in Beynəlxalq İqtisadiyyat Məktəbinin direktoru olub.

Rəhbərlik etdiyi dövrdə Beynəlxalq İqtisadiyyat Məktəbi II ixtisas qrupu üzrə hazırlaşan abituriyentlər arasında ən populyar fakültə kimi tanınıb. 2 il ard-arda DİM-in qəbul imtahanlarından 700 bal toplayan abituriyentlər məhz Beynəlxalq İqtisadiyyat Məktəbini seçiblər. 2017/18-ci tədris ilində II ixtisas qrupu üzrə Prezident təqaüdünə layiq görülən 23 gəncin 17-si hazırda UNEC-in Beynəlxalq İqtisadiyyat Məktəbində ingilis dilində təhsil alır.

A.Rzayev UNEC-in "Beynəxalq iqtisadiyyat” (ingilis dilində) kafedrasının dosentidir. Azərbaycan, ingilis, rus və fars dillərini mükəmməl bilir.
UNEC-ə yeni prorektor təyin olundu - Ceyhun Bayramov əmr imzaladı


İnterpress.az










Oxşar xəbərlər

Hansı dövlətləri Azərbaycana dost hesab edirsiniz?


Cəmi səslər: 133