“Youtube” kanalı Babala TV-də Oğuzhan Uğurun qonağı olan baş nazir reper Ezhelin saxlanılması məsələsinə də münasibət bildirib. Aparıcı Ezhelin gəncləri narkotikə həvəsləndirdiyi iddiası ilə tutulduğunu söyləyib. Daha sonra isə əlavə edib ki, Seda Sayan da öz verilişində “Vururam səni” mahnısını oxuyur, bu o deməkdir ki, o da insanları cinayətə səsləyir.
Binəli Yıldırım Ezheli tanımadığını və məsələ ilə bağlı tam məlumatının olmadığını bildirib. Bununla belə, baş nazir qeyd edib ki, Ezhelə tətbiq edilən Seda Sayana da tətbiq olunmalıdır:
“O, həbs olunubsa, Seda Sayan da həbs olunmalıdır. Əks halda bu ikili standart hesab olunur”.
İntepress.az
