İnterpress.az xəbər verir ki, səslərin olduğu yükün qarşılanmasında siyasi partiya nümayəndələri də iştirak edib.
Xaricdə iyunun 7-də başlanan səsvermə prosesinin sona çatmasından sonra nəticələr Türkiyə Hava Yollarına aid təyyarə ilə Ankaraya gətirilib.
Esenboğa hava limanına gətirilən yükü səlahiyyətli şəxslər təhvil alıb. Bundan sonra polisin müşayiəti ilə həmin yük maşınlara yüklənərək Ankara Ticarət Odası Konqres Mərkəzinə aparılıb və xüsusi saxlanclarda yerləşdirilib.
Bu səsvermənin nəticələri Türkiyə daxilindəki səsvermə prosesi sona çatana qədər bağlı şəkildə mühafizə ediləcək.
İyunun 24-də saat 17-də səsvermə prosesi sona çatdıqdan sonra gətirilən bağlı səslər də sayılaraq ümumi nəticələrə qatılacaq.
Qeyd edək ki, Türkiyə xaricində olan 3 milyon 47 min 323 seçici üçün 60 ölkədə 123 səsvermə məntəqəsi təşkil edilib. Seçicilərdən 1 milyon 486 min 408 nəfər Türkiyə prezidenti və Parlamenti üçün səs verib. (modern.az )
İnterpress.az
