Türkiyədə yeni seçilən millət vəkilinin idarə etdiyi avtomobil diqqət çəkib.
İnterpress.az Türkiyə KİV-nə istinadən xəbər verir ki, yeni seçilən millət vəkili Kenan Sofuoğlunun Türkiyə Böyük Millət Məclisinə (TBMM) idarə etdiyi \”Lamborghini\” markalı avtomobili ilə gəlməsi Türkiyədə gündəmin mövzusuna çevrilib.
Deputat mandatı ilə bağlı sənədlərini parlamentə gətirən Sofuoğlunun bahalı avtomobili ilə görüntülənməsi görənlərin marağına səbəb olub.
Qeyd edək ki, hazırda “Lamborghini” avtomobilinin satış qiyməti 2 milyon manata yaxındır.
Xatırladaq ki, iyunun 24-də Türkiyədə növbədənkənar parlament seçkiləri keçirilib. K.Sofuoğlu Türkiyə Ədalət və İnkişaf Partiyasının Sakaryadan seçilib.
İnterpress.az
