Əməkdar artist Tünzalə Ağayeva ilə Adnan Oktarın Azərbaycandakı imamı və müridləri olduğu deyilən “Mənəvi Gənclər” İctimai birliyinin təsisçisləri Ramiq Vəliyev və həyat yoldaşı Aysel Vəliyeva ilə fotosu yayılıb.
İnterpress.az ölkə.az-a istinadən verdiyi məlumatına görə, fotoda T.Ağayevayla yanaşı, tanınmış modelyer Gülnarə Xəlilova və həyat yoldaşı, həmçinin Ağayevanın meneceri Yalçın Cabbarov və ictimai fəali İradə Əlili də yer alıb.
Maraqlıdır ki, Y.Cabbarov publika.az-a açıqlamasında sözügedən şəxs və rəhbəri olduğu şəbəkəylə heç bir əlaqələrinin olmadığını bildirib.
Qeyd edək ki, A.Oktar və 300-ə yaxın tərəfdarı bir neçə gün öncə həbs edilib.
İnterpress.az
