Türkiyə Böyük Millət Məclisinin sədri Binəli Yıldırım bu gün Azərbaycan Xalq Cümhuriyyəti (AXC) parlamentinin yaranmasının 100 illik yubileyi ilə əlaqədar Milli Məclisin təntənəli iclasına qatılıb.
İnterpress.az xəbər verir ki, o, çıxışının ilk hissəsini Azərbaycan dilində edib: \”Azadlığımız, gələcəyimiz, əmin-amanlığımız bir-birinə bağlıdır. Birlikdə ağlar, birlikdə gülərik. Ümidlərimiz və xəyallarımız eynidir. Eyni dildə danışırıq. Fikirlərimiz birdir. Azərbaycanda soyuq olsa, biz də üşüyərik. Azərbaycana soyuq olsa, biz xəstələnərik. Biz əcnəbi dövlətlərin adını sayanda Azərbaycanı oraya daxil etmirik”.
Onun bu çıxışı hər iki ölkədə maraqla qarşılanıb.
İnterpress.az
