İnterpress.az Türkiyə mətbuatına istinadən xəbər verir ki, İstanbulun Sarıyer rayonunda azərbaycanlı iş adamının malikanəsində bağban kimi çalışmış 57 yaşlı Rəcəb Çəlikərin cəsədi su quyusundan tapılıb.
Hadisə Sarıyerdə Meşəburnu prospektində yerləşən tarixi villada baş verib. Villada işləyən digər işçilər bağbandan xəbər ala bilməiblər və onun axtarışlarına başlayıblar.
Xilasetmə əməkdaşlarının səyi nəticəsində cəsəd quyudan çıxarılaraq, morqa göndərilib.
Villa sahibinin azərbaycanlı olduğu bildirilsə də, adı açıqlanmır.
İnterpress.az
