Mübariz Qurbanlı: Ulu öndər Heydər Əliyev dini qaydalarımıza çox ciddi şəkildə əməl edib və bunu başqalarına da tövsiyə edibbackend

Mübariz Qurbanlı: Ulu öndər Heydər Əliyev dini qaydalarımıza çox ciddi şəkildə əməl edib və bunu başqalarına da tövsiyə edib

  • whatsapp
  • messenger
  • telegram
  • vkontakte
  • odnoklassniki

Ulu öndər Heydər Əliyevin qoyduğu irs, həyata keçirdiyi siyasət bu gün Prezident İlham Əliyev tərəfindən davam etdirilir.

Interpress.az-ın məlumatına görə, bunu Dini Qurumlarla İş üzrə Dövlət Komitəsinin sədri Mübariz Qurbanlı Qafqaz Müsəlmanları İdarəsində ümummilli lider Heydər Əliyevin vəfatının 15-ci ildönümünə həsr olunmuş tədbirdə deyib.

M.Qurbanlı bildirib ki, Heydər Əliyev dinə, mənəvi dəyərlərimizə bağlı insan idi:

\”Azərbaycanda hakimiyyətə qayıtdıqdan sonra Heydər Əliyev ölkədə iqtisadi çətinliklərə baxmayaraq, Bibi Heybət, Təzə Pir məscidlərinin təmir və bərpasına diqqət və qayğı göstərdi. Heydər Əliyev dini qaydalarımıza çox ciddi şəkildə əməl edib və bunu başqalarına da tövsiyə edib. Ulu öndərin müəllifi olduğu Konstitusiyada da vicdan azadlığı, din azadlığı təsbit olundu”.

Komitə sədri vurğulayıb ki, Heydər Əliyevin müəyyən etdiyi yol Azərbaycan üçün əbədi yoldur və bu yolu Azərbaycan xalqı, müstəqil dövlət yaşadacaq, Heydər Əliyevin xatirəsi daim Azərbaycan xalqının qəlbində olacaq: \”Heydər Əliyevin qoyduğu yol bu gün əmin əllərdədir, Prezidet İlham Əliyev bu yolu uğurla davam etdirir\”.

Interpress.az