Interpress.Az A24.az-a istinadən məlumatına görə, hadisə Şamaxı-İsmayıllı avtomobil yolunun İsmayıllı rayonunun Tircan kəndindən keçən hissəsində qeydə alınıb.
Belə ki, “Daewoo” markalı minik avtomobili yol kənarındakı ağaca çırpılıb. Zərbənin təsirindən avtomobilin sürücüsü yerindəcə keçinib.
Avtomobilin içərisində sıxılmış vəziyyətdə qalan sürücünün meyitinin ətrafdakı insanlar tərəfindən çıxarılması mümkün olmayıb. Hadisə yerinə cəlb olunmuş Dövlət Yanğından Mühafizə Xidmətinin müvafiq xilasetmə qüvvələri sıxılmış vəziyyətdə qalmış sərnişini deformasiyaya uğramış nəqliyyat vasitəsindən çıxararaq aidiyyəti üzrə təhvil veriblər.
Faktla bağlı araşdırma aparılır.
Interpress.Az
