Venesuelada etiraz dalğası genişlənməkdə davam edir.
İnetrpress.az xəbər verir ki, etiraz aksiyalarına ölkənin nüfuzlu şəxsləri də qoşulmağa başlayıb. Azərbaycanda 2005-ci ildə yayımlanan “Dəlisov Anastasiya” serialı ilə tanınan venesuellalı aktrisa Norkis Batista da Nikolas Maduroya qarşı keçirilən etiraz aksiyasına qoşulub.
Aktrisa və model kimi fəaliyyət göstərən 42 yaşlı Batista Xuan Quaidonu dəstəklədiyini və prezident postunda onu görmək istədiyini qeyd edib.
Qeyd edək ki, Venesuela parlamentinin spikeri və müxalifət lideri Xuan Quaido özünü prezident vəzifələrinin icraçısı elan edib. Onun ardınca Amerika lideri Donald Tramp müxalifyönlü Venesuela Milli Assambleyasının rəhbəri Xuan Quaidonu rəsmi olaraq prezident vəzifələrinin müvəqqəti icraçısı kimi tanıyıb.
Buna baxmayaraq, ölkə Prezidenti Nikolas Maduro ötən gün Ali Məhkəmə qarşısında keçirilən iclasda hakimiyyəti heç cür əldən verməyəcəyini bildirib.
Xatırladaq ki, Norkis Batista 2004-2005-ci illərdə Azərbaycan teleməkanında \”Dəlisov Anastasiya\” serialı ilə tanınır.
S.Qərib
İnterpress.az
