Gürcüstanda ötən ildə 3 Azərbaycan vətəndaşı itkin düşüb.
İnterpress.az “Report”a istinadən xəbər verir ki, bu barədə Gürcüstan Daxili İşlər Nazirliyinin illik statistik məlumatında bildirilib.
İtkin düşən Azərbaycan vətəndaşlarının 2-si sağ-salamat, digəri isə ölü tapılıb.
Digər xarici ölkə vətəndaşlarına gəlincə, ötən il Gürcüstanda 4 Rusiya, 5 Banqladeş vətəndaşı itkin düşüb. Rusiya vətəndaşlarının 2-si tapılıb, digər ikisinin isə axtarışları davam etdirilir. Banqladeş vətəndaşlarının isə hamısı sağ-salamat tapılıb.
2018-ci ildə həmçinin Yaponiya, Səudiyyə Ərəbistanı, İtaliya və Özbəkistandan olan ümumilikdə, 4 vətəndaş itkin düşüb. İtaliya və Özbəkistan vətəndaşları hələ də axtarılır.
İnterpress.az
