Azərbaycanı seçən ukraynalı idmançıların sayı açıqlandıbackend

Azərbaycanı seçən ukraynalı idmançıların sayı açıqlandı

  • whatsapp
  • messenger
  • telegram
  • vkontakte
  • odnoklassniki

Müstəqillik illərində 137 ukraynalı idmançı vətəndaşlığını dəyişərək, beynəlxalq yarışlara başqa dövlətlərin bayrağı altında çıxıb.

İnterPress.az xəbər verir ki, bununla bağlı məlumatı UNN agentliyinin sorğusuna cavab olaraq, Ukrayna Gənclər və İdman Nazirliyi verib.

Bildirilib ki, 1993-2017-ci illərdə 47 idmançı Rusiyanı seçib. Siyahıda ikinci yeri Azərbaycan tutub. 25 ukraynalı idmançı müstəqillik illərində Azərbaycan vətəndaşlığını qəbul edib. İlk üçlüyü 12 idmançı ilə ABŞ qapayıb.

Bundan başqa, altı idmançı Türkiyəni, altı idmançı Belarusu, dörd idmançı Almaniyanı, dörd idmançı İsraili, üç idmançı Özbəkistanı və üç idmançı Portuqaliyanı seçib.

Fransa, İtaliya, Bolqarıstan, Gürcüstan, Qazaxıstan, Avstraliyanın hər birini iki, Yaponiya, Sloveniya, Xorvatiya, Avstriya, İsveç, Slovakiya, İspaniya, Kanada, Argentina, Latviya, İngiltərə, Misir və Qətəri isə bir ukraynalı idmançı seçib.

İnterPress.az