Şəki Ağır Cinayətlər Məhkəməsində Ağdaşda karate müəllimini qətlə yetirməkdə təqsirləndirilən Hüseyn İbadovun cinayət işi üzrə məhkəmə iclası başlayıb.
İnterPress.az-ın xəbərinə görə, hakim Rəşid Hüseynovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Məhkəmənin baxış iclası fevralın 25-nə təyin edilib.
Qeyd edək ki, hadisə ötən il avqustun 9-da Ağdaş rayonu ərazisindəki qəbiristanlıqda baş verib. H.İbadov pul üstündə tüfəngdən açdığı atəşlə həmyerlisi Nizami İsmayılovu qətlə yetirib.
Xatırladaq ki, N.İsmayılov karate üzrə müəllim və məşqçi olub.(report)
İnterPress.az