İnterPress.az-ın məlumatına görə, baş tutan qarşılaşmalar cədvəldə yalnız bir dəyişikliyə səbəb olub.
Avstriya Hollandiyanı arxada qoyaraq 11-ci pilləyə yüksəlib. Buna “Zalsburq”un Avropa Liqasında “Napoli”ni 3:1 hesabı ilə məğlub etməsi səbəb olub.
Lakin Avstriya təmsilçisi mübarizəni dayandırdığından bu ölkə üçün də avrokubok mövsümü başa çatıb. Ümumiyyətlə, 1/4 finalda yalnız 7 ölkənin klubları mübarizə aparacaq.
Digər 48 ölkə üçün mövsüm başa çatıb. Onların arasında olan Azərbaycan UEFA reytinqində 26-cı pillədə qərarlaşıb və son siyahı ilə müqayisədə yeri dəyişməyib. Klublarımız son 5 mövsümün yekununda 19,000 xal toplayıb.
Qeyd edək ki, ölkələrin avrokuboklardakı təmsilçiliyi zamanı əsas götürülən siyahıya İspaniya başçılıq edir – 101,855 xal.
İnterPress.az