İnterPress.az RİA \”Novosti\”yə istinadən xəbər verir ki, bu barədə Qazaxıstan Daxili İşlər Nazirliyi məlumat yayıb.
\”Aprelin 20-də səhər saat 5 radələrində Jambıl vilayətinin Korday rayonunda – Almatı-Daşkənd avtomobil yolunun 181-ci kilometrliyində \”Toyota Camry\” markalı avtomobilin yol qırağında park edilmiş yük maşını ilə toqquşması baş verib. Yolda hərəkət edən sərnişin avtobusu da yuxarıda göstərilən avtomobillərlə toqquşmadan qaçmağa çalışarkən aşıb\”, – qurumun mətbuat xidmətinin məlumatında deyilir.
DİN-in məlumatına görə, qəza nəticəsində 8 nəfər hadisə yerində ölüb, 32 nəfər tibb məntəqələrinə aparılıb, amma sonradan daha 3 nəfər aldığı xəsarətlərdən keçinib.
İnterPress.az