Fövqəladə Hallar Nazirliyinin mətbuat xidmətindən verilən məlumata görə, Tovuz rayonunun Vahidli kəndində Tovuzçay su anbarında batdığı ehtimal edilən 69 yaşlı Dilənov Vidadi Allahverdi oğlunun axtarışları başa çatıb.
V.Dilənovun meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
Qeyd edək ki, aprelin 26-da 1950-ci təvəllüdlü Yuxarı Öysüzlü kənd sakini Vidadi Dilənov su anbarına düşüb.(ona)
İnterPress.Az
