Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Azərbaycan Premyer Liqasında 2018/2019-cu illər mövsümünə yekun vurulub

Futbol üzrə Azərbaycan Premyer Liqasında 2018/2019 mövsümünə yekun vurulub.

Dərc edilib: 11 may 2019 [21:02]
Baxış sayı: 2624

İnterPress.az xəbər verir ki, XXVIII turun son oyununda gümüş mükafatçısı "Neftçi" çempionluğu erkən rəsmiləşdirən "Qarabağ"ı qəbul edib. "Bakcell Arena"da baş tutan matçda qonaqlar qalib gəlib - 3:2.

Oyunda hesabı 15-ci dəqiqədə "Qarabağ"ın forvardı Mahir Mədətov açıb. Lakin ilk hissənin sonlarına yaxın "Neftçi" 2 qol vurub. Əvvəlcə 38-ci dəqiqədə Emin Mahmudov, 2 dəqiqə sonra isə Canluka Sansone fərqlənib. İkinci hissədə yenidən Mədətov ön plana çıxıb. O, 64-cü dəqiqədə hesabı 2:2 edib. Oyunun 90-cı dəqiqəsində isə Riçard Almeyda Ağdam komandasının qələbə qolunun müəllifi olub.

Beləliklə, "Qarabağ" mövsümü 66, "Neftçi" isə 58 xalla başa vurub.Mədətov isə 16 qolla mövsümün bombardiri olub.

Qeyd edək ki, bir neçə dəqiqə sonra mükafatlandırma mərasimi başlayacaq. Çempionluq kubokunu başı üzərinə qaldıracaq “Qarabağ” qızıl, “Neftçi” gümüş, “Səbail” isə bürünc medal alacaq.

Turun digər oyunlarında "Keşlə" "Səbail"i 4:1, "Zirə" "Sabah"ı 3:0, "Sumqayıt" isə "Qəbələ"ni 1:0 hesabı ilə məğlub edib.






Oxşar xəbərlər

"BAKUBUS" lardan razısınız?


Cəmi səslər: 112