BBC-nin məlumatına görə, iddia olunan zorlama qurbanları yenidən şikayət ərizəsi ilə müraciət etsə, istintaqa yenidən başlanacaq.
İttihamları əvvəldən rədd edən Assanc İsveçə ekstradisiya olunmamaq üçün 2012-ci ildə Ekvadorun Londondakı səfirliyinə sığınmışdı.
47 yaşlı ictimai fəal ötən ay diplomatik nümayəndəliyin binasından qovularaq, polis nəzarətinə götürülüb və girov müqabilində azad olunma şərtlərini pozduğuna görə 50 həftə müddətinə həbs olunub.
ABŞ da Assancın ekstradisiyasına nail olmağa çalışır. Assanc 2010-cu ildə Pentaqona aid məxfi sənədləri və diplomatik materialları internetə sızdırmaqda şübhəli bilinir. ABŞ-da mühakimə olunacağı tədqirdə ona ölüm cəzası belə verilə bilər.
İnterPress.Az
