Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Yunanıstanda CNN-in jurnalistinin avtomobili yandırılıb

Naməlum şəxslər "CNN Greece"in kriminal mövzularda reportajlar hazırlayan jurnalisti Mina Karamitranın avtomobilini yandırıblar.

Dərc edilib: 14 may 2019 [11:48]
Baxış sayı: 1840

Bu barədə "İnterPress.Az" RİA "Novosti"yə istinadən xəbər verir.

Maşını jurnalistin evinin yaxınlığında gecə saat 2 radələrində yandırıblar. Avtomobil tamamilə yanıb.

Polisdəki mənbələrin verdiyi məlumata görə, hücum məşhur terrorçu Dimitris Kufontinasla bağlıdır. Belə ki, prokurorluq 11 il ömürlük həbs cəzasına məhkum edilmiş "17 noyabr" terror təşkilatının lideri və baş cəlladı D.Kufontinası məzuniyyətə buraxmaqdan növbəti dəfə imtina edib. Bu səbəbdən solçu anarxist təşkilatlar bir sıra aksiyalar keçiriblər.

Jurnalistlərin çoxu terrorçuya məzuniyyət verilməsinə qarşı çıxır.

Qeyd edək ki, D.Kufontinas 2002-ci ildə həbs edilib və 11 ömürlük müddətə məhkum edilib. "17 noyabr inqilabçı təşkilatı" Yunanıstanda 1975-2002-ci illərdə fəaliyyət göstərib. Onun "aktivində" partlayışlar, qarətlər, 23 amerikalı, ingilis və türkiyəli diplomatların və hərbçilərin, yunan siyasətçilərin və iş adamlarının qətlləri var. İş üzrə 14 nəfər mühakimə edilib.

İnterPress.Az






Oxşar xəbərlər

"BAKUBUS" lardan razısınız?


Cəmi səslər: 116