AKP baş katibi: “Türkiyə “S-400”-ləri almaq məcburiyyətindədir”

İnterPress.Az-ın məlumatına görə, bunu hakim Ədalət və İnkişaf Partiyasının (AKP) baş katibi Numan Kurtulmuş bildirib.

Baş katibin sözlərinə görə, “S-400”lərin alınması Türkiyənin üzv olduğu NATO-ya heç bir zərər vermədiyi halda, ABŞ-ın bu məsələdən narazılıq yaratması anlaşılan deyil və Türkiyə israrla Amerikanı anlayışa dəvət edir: “Türkiyə NATO üzvü olaraq ABŞ-la 1952-ci ildən bu yana müttəfiq ölkədir. Türkiyə bu anlamda NATO-nun hansı ehtiyacı varsa, ödəyib. İndi ABŞ-ın NATO-da, xüsusilə Cənubi Avropa sərhədləri içərisində bu qədər önəmli ölkə olan Türkiyəyə şübhəylə yanaşması, rəqabət dili ilə danışması ittifaq şərtlərinə uyğun gəlmir. Amerikalıların Türkiyəni anlaması lazımdır. Türkiyə ABŞ-ı bu mövzuda razı salana qədər israr edəcək”. (ona)

İnterPress.Az