Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Cənub Qaz Dəhlizinə xərclənən vəsait açıqlanıb

Bu ilin aprel ayının sonuna qədər Azərbaycan qazının Avropaya nəqli üçün həyata keçirilən Cənub Qaz Dəhlizi layihəsinə tərəfdaşlarla birgə təxminən 33 mlrd. ABŞ dolları vəsait sərf olunub.

Dərc edilib: 30 may 2019 [15:21]
Baxış sayı: 4437

İnterPress.Az xəbər verir ki, bu barədə “Cənub Qaz Dəhlizi” QSC-nin baş direktoru Əfqan İsayev Bakıda keçirilən 26-cı Xəzər Beynəlxalq Neft və Qaz konfransında məlumat verib.

Onun sözlərinə görə, ümumi dəyəri 21,9 mlrd. dollar təşkil edən "Şahdəniz -2" layihəsi üzrə aprelin sonuna 18,8 mlrd. dollar xərclənib. "Şahdəniz-2" üzrə ilk qazın alınması üçün işlər tam yekunlaşıb, ümumi işlər isə 92,6% yerinə yetirilib.

CQD-nin baş direktoru Cənubi QafqazBoru Kəməri üzrə xərclərin hesabat dövrünə 4,3 mlrd. dollar təşkil etdiyini, layihənin ümumi dəyərinin isə 4,5 mlrd.dollar olduğunu qeyd edib.

O bildirib ki, Azərbaycan qazının Türkiyəyə və Avropaya nəqli üçün inşa olunan Trans-Anadolu Boru Kəməri (TANAP) layihəsi üzrə xərclərin həcmi aprelin sonuna 6,2 mlrd. dollar təşkil edib: "Layihənin ümumi dəyəri 7 mlrd. dollar təşkil edir. 2018-ci il iyunun 30-da TANAP-la Türkiyəyə ilk kommersiya qazı nəql olunmağa başlanıb.TANAP üzrə 99,6% işlər yekunlaşıb".

Ə.İsayev Azərbaycan qazının Avropaya nəqli üçün inşa olunan Trans-Adriatik Boru Kəməri (TAP) üzrə 3,6mlrd. avro xərcləndiyini, layihənin ümumi dəyərinin isə 4,6 mlrd. avro olduğunu bildirib.

Onun sözlərinə görə, bu layihə üzrə işlər 87,5% yekunlaşıb.

Qeyd edək ki, “Cənub Qaz Dəhlizi” QSC ölkə prezidentinin “Şahdəniz qaz-kondensat yatağının istismarının ikinci mərhələsi və Cənub Qaz Dəhlizinin yaradılmasına dair digər layihələrlə bağlı bəzi tədbirlər haqqında” 2014-cü il 25 fevral tarixli sərəncamı əsasında yaradılıb. QSC-nin səhmlərinin 51%-i dövlət mülkiyyəti olmaqla İqtisadiyyat Nazirliyinə, 49%-i isə SOCAR-a məxsusdur. “Cənub Qaz Dəhlizi” QSC Azərbaycandan Avropaya təbii qazın çatdırılması üçün hazırda inşası davam edən, uzunluğu 3 500 km-dən artıq olan və Avropa İttifaqı tərəfindən dəstəklənən Cənub Qaz Dəhlizi beynəlxalq qaz layihəsində Azərbaycanın maraqlarını təmsil edən şirkətdir.

İnterPress.Az






Oxşar xəbərlər

"BAKUBUS" lardan razısınız?


Cəmi səslər: 121