İnterPress.az xəbər verir ki, bunu Bakıda keçirilən \”Dövlət sahibkarın ən yaxşı tərəfdaşıdır\” adlı konfransda çıxış edən millət vəkili Vahid Əhmədov bildirib.
V.Əhmədov deyib ki, banklar sahibkarlara kreditləri 2 dəfə baha verir:
\”Necə olur ki, bank mənim əmanətimi 12%-lə götürür, amma krediti 25%-lə verir. Qoy olsun onun xərcləri 2-3%. Bəs niyə krediti mənə 25%-lə bank verir?\”.
Deputat deyib ki, mülkiyyətin toxunulmazlığı ilə bağlı xüsusi qanunun qəbulu üçün təkliflər hazırlanıb:
\”10 min manata qədər olan problemli kreditlərlə bağlı cənab Prezident 682 mln manat vəsait ayırıb. Bu gün Azərbaycanda 30 bank var. Məndə məlumat var ki, hardasa 5-ə qədər bank o kreditlərdən kifayət qədər böyük vəsait götürüb. Biz o bankların adını bilirik. Hərəsi 50-60 mln manat vəsait götürüb. İndi o 5 bank sahibkarlara kredit faizlərini aşağı salarmı? Bu gün banklar niyə real sektora elə çox pul qoymurlar. Ona ğörə ki, onlar daha çox pul alveri ilə məşğuldurlar\”.
Onun sözlərinə görə, bu gün sahibkarlığın inkişafı üçün ən əsas məsələ mülkiyyətdi. Biz mülkiyyət toxunulmazlığı ilə bağlı ayrıca qanunun yaradılması üçün müraciət etmişik. Sahibkar əmin olmalıdır ki, onun mülkiyyəti toxunulmazdır\”.
Deputat Azərbaycan Respublikası Prezidentinə də müraciət etdiyini deyir:
\”Mən 20 ilə yaxın zavod direktoru işləmişəm. Sovet dövründə 21 müəssisə, 3 institutumuz var idi. 30-a yaxın ölkəyə avadanlıq ixrac edirdik. 75% neft-mədən avadanlığını Azərbaycan istehsal edirdi. O avadanlıqlar yalnız Azərbaycan, Rumıniya və Amerika istehsal edirmiş, amma indi bu istehsal yoxdur: Mən cənab Prezident İlham Əliyevə müraciət etmişəm ki, Azərbaycanda heç olmasa iki neft maşınqayırma zavodu və 1 layihə institutu fəaliyyət göstərsin\”.
İnterPress.az
